O apadriñamento/amadriñamento lector

    Cada martes, despois do recreo,  imos  lerlle  un conto ós nenos e nenas de 6ºB de Educación Infantil(as xirafas) e  esta actividade consiste en:
1. ir á biblioteca do colexio.
2. coller un libro axeitado a súa idade.
3.imos á clase das xirafas e eleximos o neno e nenas a quen lle vamos ler.
4.lémoslle o conto.
5.ó rematar de lerlle o conto, facémoslle preguntas,para observar se estivo atento ao conto.
6.despedímonos ata o próximo martes.

A actividade parécenos moi divertida ademais de interesante porque nos relacionamos con nenos e nenas doutras idades e aprendemos moito.

   

Visita das persoas con discapacidade da Fundación Juan XXIII de Cangas

O mércores 27 de novembro visitaronnos algúns dos adultos/as  da Fundación Juan XXIII de Cangas. Na charla, explicáronnos que é a discapacidade e como queren que os tratemos. Por exemplo, non lles gusta que os miren moi fixamente, que se rían deles, que os traten con mágoa..

O sábado día 3 de decembro é o Día Internacional da Discapacidade e terá lugar unha manifestación en Pontevedra para visibilizar a súa situación e lembrarnos que todos/as podemos axudarlles dende o coñecemento da súa discapacidade, respetándoos como son e tratándoos con normalidade.Para esta xuntanza levarán uns paraugas, (usados e reutilizados) que decoramos  de forma creativa, orixinal e con moito colorido, nunha actividade que fixemos de maneira conxunta na biblioteca do centro chamada: " BAIXO O MESMO PARAUGAS".
Para esta actividade empregamos:

1. Paraugas que non utilizamos.
2. Cartolinas.
3. Pinturas e pinceis.
4. Creatividade.

As persoas discapacitadas da Fundación axudáronnos a facelo e pasámolo moi ben. Pareceunos unha actividade moi integradora e interesante xa que nos axudou a coñecelos/as un pouco mellor e entender o seu día a día. Ollade que paraugas máis creativos e orixinais nos quedaron.!!

25N Día contra a violencia de xénero.

    Hoxe día 25 de novembro o alumnado de 5º de Primaria acudiu ao auditorio para visibilizar cun baile o que está a acontecer a moitas mulleres que sofren de violencia tanto física, como psicolóxica e mesmo económica. Esta data non debería de existir, todos/as somos iguais e non se pode tolerar esta situación de desigualdade. Fagamos visible cada día o que acontece, aportando o noso gran de area dende as aulas, respetándonos e valorando por igual as aportacións e o modo de pensar de nenas e nenos.

Aquí tedes unha mostra de fotos do baile da canción "Caza de pañuelos" (Rayden) no auditorio  e no colexio para o todo o alumnado. Moitos parabéns pola actuación, fixérono moi ben!!!

Charla informativa sobre o parque nacional Illas Atlánticas

O día 20 de novembro tivemos a oportunidade  de contar con dúas gardas traballadoras do parque nacional Illas Atlánticas.O alumnado aprendeu moito sobre as nosas catro illas: Ons, Cíes, Sálvora e Cortegada. Os ecosistemas que as conforman,e como é o hábitat onde viven moitos peixes, aves e plantas. Dende as praias e dunas, matogueiras, bosques de algas e bosques de árbores pasando polos fondos de area e fondos de rochas e rematando cos cantís onde aniñan os cormoráns, aves en perigo de extinción. 

Ademais de aprender e participar nas actividades tan interesantes e creativas que presentaron, quedounos moi presente unha máxima,NON CONTAMINAR A NOSA RÍA, que é un mundo cheo de vida e de paisaxes fermosas. 

Aí quedan algunhas fotos que o manifestan:

 

 

 

Acendéusenos unha luz con esta medida de aforro enerxético.

O Concello de Cangas acordou a substitución e mellora, cunha axuda europea, das luminarias do pavillón do centro escolar. Pola nosa parte, acordamos que sería unha boa ocasión para entrevistar a un dos profesionais que interviñeron nesta actuación para que nos iluminase sobre o aforro enerxético aplicado á iluminación artificial. 

Pareceunos moi importante e oportuno recibir a visita do técnico Víctor, quen nos explicou o funcionamento dunha luminaria ineficiente, en comparanza coas que viñan de instalar. Na clase respondeu ás nosas preguntas, e posteriomente visitamos o pavillón, onde xa in situ apreciamos a diferencia entre as luminarias anteriores coas novas. 

Se queredes saber máis, escoitade a entrevista. E como xa vos indicamos ao comezo deste blog, non somos demasiado pequenos para facer cousas grandes. Un simple cambio nos sistemas de iluminación contribúe ao aforro enerxético, e se engade a outras iniciativas que sempre suman. 

A nosa clase con Víctor (dereita) e o seu compañeiro de traballo. Grazas aos dous.

Bioloxía por un día

O día 6 de novembro nos subimos a un autobús ata chegar á Facultade de Bioloxía da UVigo, para recibir unha magnífica explicación sobre os fungos, mundo fascinante a pequena altura. Viaxamos cun caderno de campo para os apuntamentos necesarios, e con risco de que se quedase pequeno para toda a información recibida. 

A benvida ofrecida por dous biólogos, cunha compoñente lúdica innegable, tivo continuidade na visita por medio de dúas fases. Na primeira delas, moi interactiva, se nos ofreceu moita información referida aos fungos, moi participativa pola nosa parte tamén. Puidemos apreciar as imaxes de diapositivas e imaxes, e agradecemos o enorme traballo de adaptar a visita aos nosos intereses e nivel de coñecementos. 

Posteriormente, xa no exterior, a visita tornouse máis práctica coa observación directa destes fungos, aportándonos explicacións sobre o seu valor gastronómico, emprego na menciña ou outros usos. Aprecialos no seu medio natural dimensiona a nosa atención e fai máis tanxible as explicacións previas. En calquera caso, agradecemos moito o esforzo destas dúas persoas para facer accesible o mundo dos fungos á nosa aula. 

 

 

Do Samhain ao Samaín

Durante a semana do 28 ao 30 de outubro, celebramos o Samaín, festa pagana de orixe celta que cada ano sentimos máis próxima, e con este elo entre celtas, preparamos as clases de quinto e sexto unhas actividades en lingua galega para os nenos e nenas de primeiro a cuarto de Educación Primaria, cunha temática centrada nesta festa. 

Estas actividades consistiron en pareados, encrucillados, trabalinguas, labirintos, sopas de letras, ordear palabras, o xogo do aforcado...unha mostra moi diversa de xogos relacionados coa lingua e o Samaín. 

Configuramos dous niveis; un para primeiro e segundo, e outro para terceiro e cuarto. A mellor parte, ademáis da propia celebración da festa, foi a de exercer como mestres e mestras. A fórmula para participar, no canto do "truco ou trato" foi a de "abracadabra, palabra ou aquí non tes nada". 

Malia o seu significado e omnipresencia durante esta festa, tanto traballo non implicou recibir cabazas para ninguén!. Traballaron moito, cunha grande creatividade, e con moito sentido do humor (negro, por suposto). Parabéns!. Algunha foto de mostra: 

 

 

 

 

  

 

Os perigos do mal uso das redes sociais

Co gallo das malas novas que nos rodean sobre os perigos das redes sociais, mal entendidas como mecanismos de acoso, incitación ao xogo, desinformación, e instrumento de manipulación de masas, recibimos unha cualificada visita dun axente da Garda Civil, que nos fixo unha exposición moi didáctica sobre esta materia.


Recibimos unha explicación moi completa sobre o uso dos teléfonos móbiles, aconsellándonos un emprego dos mesmos proporcional e responsable. Tamén nos indicou a realidade dos comentarios e posts que fagamos en calquera rede ou páxina, cun chamamento á consciencia e autocontención do que se escriba, posto que é permanente na "rede". Moito coidado co uso das fotografías e vídeos que se suban, así como o tipo de arquivos que recibimos ou reenviamos, posto que poden constituír conductas ilícitas e perigosas.

A adicción aos xogos electrónicos (Fortnite na actualidade,p.ex.), pode ser paralela á do propio xogo, prohibido para os menores, e que tamén está a experimentar un grande auxe, constituíndo unha fonte de desanvinzas familiares, e conductas moi difíciles de reeducar nun futuro.


A principal actitude que debemos tomar con páxinas que non sexan comprobables, arquivos ou outro tipo de información que recibamos de terceiros sexa a de desconfianza, alomenos ata asegurarnos da orixe destas informacións. Non obstante, as redes teñen aspectos positivos e é a responsabilidade o mellor valor a aplicar no seu uso.

Moito sentidiño co Internet!